Жас ақындар мүшәйрасы - 2024

«Төрт тоқсан - төрт өнер» ұлттық мәдени ағартушылық жобасы мен Біртұтас тәрбие аясында ұйымдастырылды. Мақсаты:

- қазақ халқының ұлттық құндылығы, шешендік өнер арқылы мәдениеттің баға жетпес мұрасы ретінде айтысты жан-жақты насихаттау;

- мәдениетке деген сүйіспеншілік сезімі мен қазақ тілінің рөлін арттыру.

Рухани кешке оқушылардың сұранысымен арнайылап келіп отырған, жыр жарысының басты қонақтары:

- Жандарбек Бұлғақов Мемлекеттік Дарын жастар сыйлығының лауреаты, 2 дүркін «Алтын домбыра» иегері, айтыскер ақын;

- Сырым Әуезхан Мемлекеттік Дарын жастар сыйлығының лауреаты, айтыскер ақын.

🖇️Ұшқыр ойлы, зор ынталы, ойға жүйрік, тілге шешен, көкірегін өнер мен өлең кернеген әр ауданның шәкірттері дарындылар додасында бас қосты. Мүшәйра 3 кезең бойынша жүргізілді:

1) «ТАНЫСТЫРУ»

2)«ТАҚЫРЫПТЫҚ ТАПСЫРМА»

3)«ТАП БЕРМЕДЕГІ ТАПҚЫРЛЫҚ».

Жүйріктер бәйгеге қосылып, шабыт әлеміне шарықтады. Мықтыларымыз еш мүдірместен бірін-бірі жалғап, көрерменнің ықыласына бөленді.

Кеш соңында мекеме директоры, басшы-көшбасшы Кожахметов Дауирхан Сейдалыұлы ізгі тілегін білдіріп, оқушыларға шығармашылық шабыт тіледі. Кеш қонақтары Құдайберген Аяжанға, Толғатар Қалинаға, Біләл Тұмарға кітап сыйлады.