«АЙТЫС СӨЗДІҢ МАЙДАНЫ» атты қалалық жас ақындар байқауы

23 қазан Алматы қаласы «БІРТҰТАС ТӘРБИЕ» бағдарламасы,  «Шабыт» жобасы аясында әрі «Республика күні» қарсаңында Алматы қаласы Білім басқармасы  ұйымдастыруымен «№1 Оқушылар үйінде» қалалық білім беру ұйымдарының оқушылары арасында «АЙТЫС СӨЗДІҢ МАЙДАНЫ» атты қалалық жас ақындар байқауы өтті.
⚜️Мақсаты - оқушыларға ұлттық рухани құндылық негізінде ғибрат беру, ұлттық өнеріміздің және мемлекеттік тілдің қолданылу аясын кеңейту, Отанды сүюге, патриотизмге тәрбиелеу,  жеріне деген сүйіспеншілігін арттыру.
⚜️Әр ауданнан іріктелген 8 ақын бақ сынасты. Айтыс шымылдығын  «Балбырауын», «Кербез сұлу!» күйлерімен «Мәрмәр» жетігеншілер және «Өркен» домбырашылар тобы ашты. Жетекшілері Ыбырай Алтынсарин төсбелгісінің иегері Манатауова Ғалия Қалымбетқызы; Қазақ Өнерінің Мәдениет Қайраткері, әнші жетігенші Назгүл Әбибекова; Концертмейстер ҚР Мәдениет қайраткері Жүсіпәлі Мақсат Әбілқайырұлы. 
⚜️Айтысқа Тәрбие және қосымша білім беру бөлімінің бас маманы
Нурымбетов Мурат Жангалиевич; Алматы қаласы Білім басқармасының Баспасөз қызметінің маманы Бекенова Аружан Жандосқызы; Алматы қалалық ғылыми-әдістемелік орталықтың, тәрбие және қосымша білім беру бөлімінің әдіскері Асқарбекқызы Айжан арнайы келді.
⚜️Әділқазы құрамында: 
📌Әл-Фараби атындағы Қазақ Ұлттық Университетінің доценті, филология ғылымдарының кандидаты Дәрібаев Самал Дәрібайұлы;                                     📌ҚР ақпарат саласының үздігі, «Шалқар» радиосының журналист-жүргізушісі, «Тайжарыс-Талант» ҚҚ президенті  Гүлбағыш Бостан ; 
📌«Айтыс» ақындар одағының мүшесі, оратор, айтыскер ақын, журналист Базарбек Бекжан.
⚜️Өскелең жас ұрпақты рухани-адамгершілік қасиетке баулу, тәрбиелеу – барлық кезеңде өзекті. Біздің келешегіміз–жас ұрпақ, ал ұрпақ тәрбиесі адамзаттың мәңгілік тақырыбы. Осы орайда оқушыларды ізгілікке, патриоттыққа және тағы басқа қасиеттреге баулитын айтыстың тәрбиеге берер маңызы зор. 
⚜️«АЙТЫС – СӨЗДІҢ МАЙДАНЫ» атты жас ақындар айтысының жеңімпаздары: 
📌Бас жүлде Медеу ауданы, №172 МГ шәкірті САУЫТҚАН АЙБАРЫС;
📌І орын Жетісу ауданы, №108 МГ шәкірті БЕКТЕНОВ ХАНГЕЛДІ;
📌ІІ орын Алатау ауданы, №154 ЖББМ шәкірті СОВЕТ ШАПАҒАТ;
📌ІІІ орын Түрксіб ауданы, №115 ЖББМ шәкірті Ержанқызы Іңкәр.
Айтысқа белсене қатысқаны үшін марапатталды:
📌Наурызбай ауданы №174 МГ шәкірті Хамит Еламан    📌Әуезов ауданы, №42 ЖББМ шәкірті Әубәкір Омар    📌Бостандық ауданы,  №140 МГ шәкірті Еділ Бағдәулет    📌Алмалы ауданы, №62 МГ шәкірті Тілектес Аяулым     Айтысқа қатысқан барлық ақындарымызға мадақтама мен естелік сыйлықтар, ал айтыс жеңімпаздарына шебердің қолынан шыққан домбыралар тарту етілді.  Сонымен қатар,  жетекші ұстаздарына  Алғыс хаттар табысталды.
Сұлу сөздің сырын сезінген, сөздің балын ағызып, майын тамызар өнерлі де, өнегелі ұрпақтар көп болсын!