«ТОҒЫЗ ТОСҚАУЫЛ» атты танымдық-интеллектуалдық білім сайысы

 

















2024 жылдың 27 қарашасында ҚР Оқу-ағарту министрлігінің «Біртұтас тәрбие» бағдарламасы аясында қалалық мектеп оқушыларының арасында қазақ халқының салт-дәстүріне, әдет-ғұрыптарына деген құрметін арттыру және білімді де білікті оқушылардың шығармашылықтарын насихаттау, өзге оқушыларға үлгі ету мақсатында Алматы қаласы Білім басқармасы «№1 Оқушылар үйінде» «ТОҒЫЗ ТОСҚАУЫЛ» атты танымдық-интеллектуалдық білім сайысы өтті.
Сайыстың ашылуында Алматы қаласы Білім басқармасы «№1 Оқушылар үйінің» директоры, басшы-көшбасшы Кожахметов Дауирхан Сейдалыұлы сайыстың мақсаты мен міндетіне тоқтала келе, қазақ халқының салт-дәстүрін, тұрмыс-тіршілігін, ұлтымыздың тілі мен әдебиетін насихаттау және оны сезіну әрбір баланың міндеті екенін айта отырып, бүгінгі сайыстың мәнді де мағыналы өтуіне және бақ сынағалы отырған қатысушыларымызға сәттілік тіледі.
Әділқазылар алқасында C.Д.Дәрібаев – Әл-Фараби атындағы Қазақ ұлттық университетінің доценті, филология ғылымдарының кандиданты; Б.Ж.Кабдушев – Ғұмарбек Дәукеев атындағы Алматы энергетика және байланыс университетінің Әлеуметтік пәндер кафедрасының меңгерушісі, тарих ғылымдарының кандидаты, доцент; М.Г.Джабулаев – Қалалық ұстаздар арасында өткен Абай оқулары байқауының жүлдегері, үздік қазақ тілі пәні мұғалімі конкурсының жеңімпазы, қалалық үздік директордың тәрбие ісі жөніндегі орынбасары байқауының жүлдегері. Ойын 8-10 сынып оқушыларының арасында жүргізілді. Әр ауданнан іріктелген 6 оқушыдан тұратын бір команда интеллектуалды ойынға тоғыз кезең бойынша сайысқа түсті.