«БІЛІМ БЕРУДЕГІ ЗАМАНАУИ ТЕХНОЛОГИЯЛАР. ЖАСАНДЫ ИНТЕЛЛЕКТ БОЛАШАҚТЫ ДАМЫТУ ҚҰРАЛЫ РЕТІНДЕ» атты Халықаралық ғылыми-тәжірибелік конференция

⚜️2025 жылы 24 қаңтарда «БІЛІМ БЕРУДЕГІ ЗАМАНАУИ ТЕХНОЛОГИЯЛАР. ЖАСАНДЫ ИНТЕЛЛЕКТ БОЛАШАҚТЫ ДАМЫТУ ҚҰРАЛЫ РЕТІНДЕ» атты Халықаралық ғылыми-тәжірибелік конференция өтті.
⚜️Мақсаты – қосымша білім беру жүйесіндегі заманауи технологиялардың,  жасанды интеллекттің (AI) рөлі мен әлеуетін талқылау.
⚜️Ғылыми-тәжірибелік конференцияға
Башқұртстаннан, Латвиядан, Чувашиядан, Түркиядан, Сингапурдан ғалымдар қатысып, әлемдік тәжірибелерімен бөлісті. Сонымен қатар, Республикамыздың педагогтары, ғалымдар, жоғары оқу орнының профессорлық-оқытушылық құрамы, білім беру жүйесінің басшылары, докторанттар, магистранттар, студенттер тұжырымдарымен бөлісті.
⚜️Жасанды интеллектің білім саласындағы құндылықтарын «№1 Оқушылар үйінің» директоры Кожахметов Д.С. атап өтті. Алматы қ. Білім басқармасының Тәрбие және қосымша білім беру бөлімінің бас маманы Нурымбетов М.Ж. болашақтың құралы екенін жеткізді. Алматы қалалық білім берудегі жаңа технологиялардың ғылыми-әдістемелік орталығы, тәрбие жұмысы және қосымша білім беру бөлімінің жетекшісі Акмагамбетова Р.Г. Сингапурдың білім беру жүйесіндегі инновациялық технологиялардың қолданысын талдады. Шымкент қаласы Оқушылар сарайының директоры Мустафаев Б.Н. тәжірибелік жұмыстарда ұтымды қолданудың жолдарын көрсетті.
⚜️2 блокта конференция қатысушылары мына тақырыптар бойынша ой қозғады:
 1. Білім беру жүйесіндегі заманауи педагогикалық технологиялардың рөлі
2. Мектептен тыс қосымша білім беруде заманауи педагогикалық технологияларды қолдану мүмкіндіктері
3. Қосымша  білім беру жүйесіндегі оқытудың инновациялық технологиялар.
4. Жасанды  интеллект: қосымша білу беру жүйесіндегі балалардың тұлғалық қасиетін дамыту перспективалары
5. Жасанды интеллект пен цифрлық техологияларды қолданудың балаларға қосымша білім берудегі рөлі.
⚜️Ғылыми-тәжірибелік конференция аралас форматта өткізілді.