Халықаралық ғылыми-тәжірибелік конференция

Алматы қаласы Білім басқармасы «№1 Оқушылар үйі» 2025 жылы 24 қаңтарда «БІЛІМ БЕРУДЕГІ ЗАМАНАУИ ТЕХНОЛОГИЯЛАР. ЖАСАНДЫ ИНТЕЛЛЕКТ БОЛАШАҚТЫ ДАМЫТУ ҚҰРАЛЫ РЕТІНДЕ» атты Халықаралық ғылыми-тәжірибелік конференция өтті. 
Ғылыми-тәжірибелік конференцияның мақсаты – қосымша білім беру жүйесіндегі заманауи технологиялардың,  жасанды интеллекттің (AI) рөлі мен әлеуетін талқылау. Ғылыми-тәжірибелік конференция - тәжірибе алмасуға, жаңа әдістемелерге үйретуге және білім беру процесіне АИ енгізу бойынша пікірталастар үшін платформа құруға бағытталған.
Ғылыми-тәжірибелік конференцияға Башқұртстаннан – Латыпова М.Х., Латвиядан – Игнатьева С., Чувашиядан – Сорокина Н., Түркиядан – Yücel Gelişli және Сингапурдан – Амангельды Ж. қатысып, әлемдік тәжірибелерімен бөлісті.  Сонымен қатар, Республикамыздың барлық білім беру ұйымдарының педагогтары, ғалымдар, жоғары оқу орнының профессорлық-оқытушылық құрамы, білім беру жүйесінің басшылары, докторанттар, магистранттар, студенттер, жас зерттеушілер өздері қолданған әдіс-тәсілдерді көрсетіп, тұжырымдарын айтты. Жасанды интеллектің болашақтағы рөлі, артықшылықтары мен пайдасын түсіндірді.