«Психологиялық дамыту: зейін және есте сақтау дағдыларын дамыту» тақырыбында қосымша білім беру авторлық бағдарламасы
[media=https://www.youtube.com/shorts/SPQyo1IVxss ]
Қазақстан Республикасы Білім және ғылым министрінің 2016 жылғы 27 қаңтардағы № 83 бұйрығымен бекітілген Педагогтерді аттестаттаудан өткізу қағидалары мен шарттарына сәйкес Алматы қаласы Білім басқармасының «Қалалық білім берудегі жаңа технологиялардың ғылыми-әдістемелік орталығының 2025 жыл 24 ақпанындағы № 01/22/169 ақпараттық хатында көрсетілген, Алматы қаласы бойынша 2025 жылы «педагог-зерттеуші» санатына тапсыратын/растайын педагогтердің педагогикалық тәжірибесін тарату жоспары негізінде, Қалалық білім берудегі жаңа технологиялардың ғылыми-әдістемелік орталығы, Алматы қаласы Алатау, Алмалы, Әуезов, Бостандық, Жетісу, Наурызбай, Медеу, Түрксіб аудандарының қосымша білім беру мекемелері, қосымша білім беру педагогтерінің қатысуымен (қамтылуы: 200 адам) 2025 жылдың 25 ақпанында, оффлайн форматында «Оқушылардың инновациялық шығармашылық орталығында» Алматы қаласы бойынша 2025 жылы «Педагог-зерттеуші» санатына тапсыратын/растайтын педагогтердің педагогикалық тәжірибесін тарату (трансляция) ұйымдастырылды.
Осыған орай, №1 Оқушылар үйінің директоры, басшы-көшбасшы, қосымша білім беру педагогы Кожахметов Дауирхан Сейдалиевич «Психологиялық дамыту: зейін және есте сақтау дағдыларын дамыту» тақырыбында қосымша білім беру авторлық бағдарламасымен бөлісті.
Қожахметов Дауирхан Сейдалиевич «Психологиялық дамыту» қосымша білім беру авторлық бағдарламасының жоспарында көрсетілген авторлық бағдарламаның мақсат- міндеттері, өзектілігі, күтілетін нәтижелер туралы айтып өтті. Сонымен қатар, авторлық бағдарлама негізінде жасалған балаларға арналған «Психология дәптерімен» таныстырды. Психологиялық дамыту сабағының мазмұнын анық көрсете отырып, психологиялық даму процесстерін, қолданылатын арнайы тапсырма мен әдістемерді нақтылап айтып өтті.
Қорыта келгенде, «Психологиялық дамыту» қосымша білім беру авторлық бағдарламасы білім алушылардың ақыл-ой қабілеті мен тұлғалық қасиеттерінің қалыптасуына, жағымды эмоциональдық жәй-күйді қалыптастыру мақсатында психотехникалық жаттығулар мен ойындарды қолдана отырып оқушының әлеуметтік мінез- құлық дағдыларды мен танымдық және эмоциональдық күйінің дамуына бағытталған бағдарлама екендігін,баланың бейімделуіне, тұлға болып қалыптасуына орасан зор көмегін тигізетін авторлық бағдарлама екенін нақты дәлелдеп шықты. https://www.youtube.com/shorts/SPQyo1IVxss